Ley de Ohm

Ley de OhmAplicación flash da web Educarex. Simula un circuito eléctrico no que se pode incluir unha resistencia de diversos materiais, escollendo a lonxitude e a sección da mesma. Ilustra o cumprimento da lei de Ohm. Adecuado como material de apoio e para proxección na aula.

 

URL do recurso: http://conteni2.educarex.es/mats/14356/contenido/

 

Circuito eléctrico

Circuito eléctrico

 

Aplicación flash pertencente a web Educarex da Junta de Extremadura.  Ilustra os compoñentes e as leis dos circuitos básicos. Dispón dun pequeno laboratorio virtual que permite crear circuitos sinxelos. Adecuado para proxección e como material complementario.

 

URL do recurso: http://conteni2.educarex.es/mats/14355/contenido/

 

Electroscopio

electroscopioApplet Java dentro da páxina correspondente á explicación da lei de Coulomb da web Curso Interactivo de Física en Internet de Ángel Franco. o Applet permite visualizar o ángulo de separación de dúas cargas iguais penduradas do mesmo punto por cadanseu fío. Pódese variar a masa dos corpos cargados.

Applet adecuado para proxección e como laboratorio virtual.

URL do recurso: http://www.sc.ehu.es/sbweb/fisica_/elecmagnet/campo_electrico/fuerza/fuerza_1.html

Lei de Ohm e potencia eléctrica

Aplicación flash que simula o paso de corrente contínua a través dunha resistencia, permitindo escoller a diferencia de potencial e a resistencia. A aplicación calcula a intensidade e a potencia.

Pertence á páxina Educaplus, de acceso libre pero cun número limitado de visitas por cada sesión. Para evitar esta limitación, compre rexistrarse.

Adecuado para proxección acompañando a explicación. Non tanto como laboratorio virtual.

URL do recurso: http://www.educaplus.org/game/ley-de-ohm-y-potencia-electrica

Física e Química Interactiva para 3ºESO

Material dixital interactivo elaborado polos extremeños Claudia García Martinez e Antonio Morillo Nieto que inclúen os contidos de Física e Química de 3ºESO xunto con actividades interactivas sobre os mesmos e cuestionarios de avaliación. A sección Laboratorio amosa mediante animacións procesos seguidos en relación cos contidos tratados en cada tema.

URL do recurso: http://contenidos.educarex.es/mci/2006/22/unidad/indice.htm

Lei de Coulomb

Aplicación flash que permite visulaizar a forza de Coulomb entre dúas cargas eléctricas de igual ou distinto signo, modificando a distancia horizontal entre elas e o valor relativo das cargas entre catro opcións.

Pertence á páxina Educaplus, de acceso libre pero cun número limitado de visitas por cada sesión. Para evitar esta limitación, compre rexistrarse.

Adecuado para proxección en canón e encerado dixital.

URL do recurso: http://www.educaplus.org/game/ley-de-coulomb

Forza de Coulomb.

Aplicación flash que permite simular a forza de Coulomb entre dúas cargas eléctricas de igual ou distinto signo, modificando a posición relativa das mesmas. Devolve distancia e forza.

Pertence á páxina Educaplus, de acceso libre pero cun número limitado de visitas por cada sesión. Para evitar esta limitación, compre rexistrarse.

Adecuado para proxección en canón e encerado dixital, aula de ordenadores. e laboratorio virtual.

URL do recurso: http://www.educaplus.org/game/fuerza-de-coulomb

Campo eléctrico creado por unha carga.

Aplicación flash que permite visualizar as liñas de campo dunha carga de foram tridimensional. Permite rotar a carga, poñéndose de manifesto o carácter tridimensional do campo.

Pertence á páxina Educaplus, de acceso libre pero cun número limitado de visitas por cada sesión. Para evitar esta limitación, compre rexistrarse.

Adecuado para proxección en canón e encerado dixital e aula de ordenadores.

URL do recurso: http://www.educaplus.org/game/campo-creado-por-una-carga

Campo eléctrico creado por dúas cargas.

Aplicación flash que permite visualizar a intensidade e as liñas do campo eléctrico creado por dúas cargas. Pódese variar o signo das cargas e visulaizar ou non as liñas de campo.

Pertence á páxina Educaplus, de acceso libre pero cun número limitado de visitas por cada sesión. Para evitar esta limitación, compre rexistrarse.

Adecuado para proxección en canón e encerado dixital e aula de ordenadores.

URL do recurso: http://www.educaplus.org/game/campo-creado-por-dos-cargas

Iniciación á electricidade-electrónica

Aplicación flash feita por Juan Manuel Fernández y José Luis García Chan. Desenvolvida para ciclos de FP, ten unha parte de eletricidade que se axusta aos contidos de 3º de ESO:  Estructura atómica. Magnitudes da electricidade. Imanes, corrente eléctrica e Inducción. Contén actividades interactivas.

Adecuada para proxeción e para traballo na aula de ordenadores.

URL do recurso: http://concurso.cnice.mec.es/cnice2006/material081/index.html

Electricidade

Webquest na que se lle pide ao alumnado que elaboren unha liña de tempo cos principais eventos que permitiron desentrañar os fenómenos eléctricos e magnéticos.  Pertence a proxecto Agrega. Actualmente algunhas ligazóns porpostas como recurso, están rotas.

URL do recurso: http://agrega.catedu.es/visualizar/es/es-ar_2009112312_9124116/false

Circuitos eléctricos

Laboratorio virtual feito en flash por Luis Ignacio García (FisQuiWeb) no que se poden simular circuitos para comprobarmos a Lei de Ohm e a Lei de Ohm xeneralizada. Pódense engadir resistencias, fíos, xeneradores, voltímetros, amperímetros… e variar as súas características a vontade.

Adecuado para preparar sesións de prácticas e, mediante proxección na aula, para apoiar a explicación destas leis.

URL do recurso: http://web.educastur.princast.es/proyectos/fisquiweb/Laboratorio/Circuitos/Portada.htm